Ita sei presiza atu hadi’a liafuan balun, porezemplu liafuan “ita-boot” ne’ebé tuir INL (Insituto Nacional Linguistica) tenke hakerek uluk ho letra kapitál ba I no B hodi sai ba “Ita-Boot”. Ida-ne’e ha’u-nia sujestaun atu uza rua ne’e hotu hodi fó diferensa ba ema boot no ema baibain (ita-nia maluk) ruma, porezemplu ba ema boot ka ema ho nivel aas, ita uza ‘Ita-Boot’ no ba ema baibain ita bele uza ‘ita-boot’, bainhira ko’alia iha diskursu ruma ita uza nafatin ‘ita-boot’. Bainhira ha’u hakerek uza liafuan ne’e ho Ita-Boot, ne’e signifika katak ha’u ko’alia ho ema boot / nivel aas ruma, no bainhira ha’u uza ita-boot ne’e ita hatene rasik ona katak ha’u ko’alia hela ho ema baibain ruma ho nivel hanesan. Ita duni mak tenke dezenvolve tanba Governu ladún fó importánsia ba INL, no INL mós book an la badinas, susar tebes mai ita jerasaun foun tanba INL maten hela hanesan karau timur. Mai, mai ita dezenvolve!
